Një nga problemet me moskontrollimin e barnave, është edhe mbajtja e tyre nëpër ordinanca private.
Këto të fundit i trajtojnë barnat si mall për shitje, me çfarëdo sasi dhe çmimi. Kështu ka deklaruar në Radio Kosova, kryetari i Odës së Farmacistëve Zehadin Gashi, transmeton Gazeta Shneta.
Gashi ka deklaruar se problemi i barnave fillon nga përshkrimi i barnave jashtë formës standarde siç është raporti specialistik, letrat e thjeshta etj.
“Kur kësaj ja shtojmë edhe shitjen e barnave nga tregtarët e thjeshtë atëherë problemi bëhet edhe më i madh”, ka deklaruar ai.
Gashi dhe U.D. i Inspektoratit Farmaceutik të MSH-së, Shaban Osmanaj, janë pajtuar që nga janari me një bashkëpunim të ndërsjellë të punojnë në eliminimin e dukurive negative, dhe të fillojnë me përshkrimin dhe dhënien e barit sipas ligjit, dhe domosdoshmërisht prezenca e farmacistit në Barnatore gjatë për gjithë orarin sa punon barnatorja etj.