Shoqata e të Drejtave të Pacientëve në Kosovë në mbështetje të `Solidar Suisse` kanë organizuar një tryezë për të diskutuar për sigurimet shëndetësore. Në debat u ngritën shumë shqetësime për mospërgatitje të duhur dhe u theksua se sigurimet shëndetësore janë sfida më e madhe e shëndetësisë kosovare.
Shoqata e të Drejtave të Pacientëve në Kosovë në mbështetje të `Solidar Suisse` kanë organizuar një tryezë për të diskutuar për sigurimet shëndetësore.
Në debat u ngritën shumë shqetësime për mospërgatitje të duhur dhe u theksua se sigurimet shëndetësore janë sfida më e madhe e shëndetësisë kosovare, shkruan RTK
Mungesa e resurseve profesionale, e rregulloreve dhe udhëzimeve administrative, mungesa e objektit për punonjësit, si dhe mungesa e sistemit të integruar të informimit shëndetësor, janë disa nga shqetësimet e ngritura për mospërgatitje të duhur për fillimin e implementimit të sigurimeve shëndetësore.
Ekspertë të shëndetësisë dhe përfaqësues të institucioneve diskutuan për sfidat dhe përgjegjësitë në fushën e sigurimeve shëndetësore, në tryezën e organizuar nga Shoqata e të drejtave të pacientëve dhe Solidar Suisse.
Në anën tjetër, drejtori i Fondit të Sigurimeve Shëndetësore, Sejdë Tolaj, tha se si dokument kryesor për fillimin e mbledhjes së premiumeve është hartimi i listës së shërbimeve shëndetësore dhe çmimorja.
Shoqata e të Drejtave të Pacientëve në Kosovë dhe Solidar Suisse, mes tjerash kanë rekomanduar që të fillohet me kontraktimin e shërbimeve shëndetësore si projekt në formë piloti, dhe jo me mbledhjen e premiumeve ,në mënyrë që qytetari të fillojë t`i prekë përfitimet e sigurimeve shëndetësore.