Klinika e ORL-së në QKUK ka performancë më të mirë sesa klinika tjera ku vetëm 13 kirurgë kanë kryer mbi 1800 operacione vitin e kaluar
Në Klinikën e Otorinolaringologjisë vitin e kaluar janë operuar 1,872 pacientë brenda 12 muajve. Me këto shifra ORL shënon performancën më të mirë në krahasim me klinikat tjera të kirurgjisë në QKUK, duke pas parasyshë edhe numrin e specialistëve, shkruan Gazeta Shneta.
Sipas raportit të punës, drejtori i kësaj klinike Arsim Behramaj ka kryer 154 operacione nga janari deri në dhjetor. Ndërsa ish-drejtori Hajdin Thaqi i cili e ka lënë punën më 1 tetor, deri në këtë muaj ka kryer 204 intervenime.
Një tjetër kirurg i cili e ka lëshuar punën më 1 shtator, Afrim Heta, ka kryer 73 operacione, ndërsa Xhevdet Latifi është mjeku me shifrat më të larta me 343 intervenime.
Flamur Ukaj ka shënuar shifrën 136 operacione nga janari deri në dhjetor, ndërsa për të njëjtën periudhë Emine Rramku ka kryer 57 intervenime.
Valdet Shala ka kryer 87 operacione, ndërsa Abdurrahman Zogaj i cili poashtu e ka lënë punën më 1 nëntor dhe i njëjti deri më këtë datë ka kryer 152 operacione.
Zgjim Limani ka regjistruar 156 intervenime, ndërsa Kujtim Kastrati 102 sosh. Refki Krasniqi ka kryer 151 operime, ndërsa dy kolegë të tij tij Arsim Elezaj 167 dhe Atdhe Myftari 90.
Me këto shifra ORL mund të renditet si klinika me performancën më të mirë në krahasim me klinikat tjera të bllokut kirurgjik. Megjithatë këtë vit ORL përballet me mungesë të së paku tre mjekëve.
Në Kirurgji Abdominale janë 28 kirurgë dhe vitin e kaluar janar –nëntor kanë kryer 2022 operacione. Me 13 kirurgë është edhe Klinika e Kirurgjisë Torakale por të njëjtit kanë kryer vetëm 720 operacione dhe 338 drenazha torakale nga 1 janari deri më 30 nëntor.
Po kaq, 13 kirurgë i ka edhe Klinika e Kirurgjisë Vaskulare dhe të njëjtit kanë kryer 1024 operacione nga data 1 janar deri më 30 shtator 2022.
Ndërkaq në Urologji punojnë 20 urologë dhe të njëjtit në total kanë kryer gjithsej 692 operacione për nëntë muaj të vitit të kaluar. /Gazeta Shneta/