Moti në vend do të mbetet i paqëndrueshëm gjatë ditëve në vijim, me reshje të herëpashershme shiu, vransira dhe vetëm intervale të shkurtra me diell.
Temperaturat minimale zbresin në 7C e 8C, e ato maksimale shënojnë një rritje të lehtë deri në 13C e 16C.
Situatë mjaft jostabile po mbetet edhe ditëve të ardhshme përgjatë fundjave. Reshje më të shpesha me shi do të vazhdojnë ditën e premtë dhe të shtunë, edhepse orëve të pasdites mund të ketë hapësira ndërmjet vransirave për rreze dielli.
Temperaturat maksimale shkojnë deri në 13C e 15C, e ato minimale zbresin në 7C e 9C. Të dielen ndonëse paraqiten intervale me diell, nuk mungojnë edhe rrebeshe shiu.
