Ndërpritet masa e suspendimit për mjekët e Spitalit të Përgjithshëm të Gjilanit, kirurgut Luan Mustafa dhe anesteziologut Halil Basha, të arrestuar nën dyshimin për marrje ryfsheti.
Kirurgu Luan Mustafa dhe anesteziologu Halil Basha janë liruar me procedurë të rregullt, shkruan Gazeta Shneta.
Në një prononcim për Gazetën Shneta, drejtori i spitalit dr. Arsim Emini ka treguar se është ndërprerë masa e pezullimit nga puna dhe se të njëjtit mund të kthehen në vendin e punës . Kjo ndërpreje e masës së pezullimit vjen nga vendimi i marrë nga Gjykata, e cila i ka liruar me procedurë të rregulltë.
Dje e kemi marrë vendimin nga Gjykata e cila i ka liruar me procedurë të rregulltë dhe ata nuk kanë asnjë masë të pezullimit në objektin e spitalit. Në bazë të këtij vendimi edhe ne si spital e kemi ndërprerë masën e pezullimit,- tha ai.
Kujtojmë se mjekët ishin arrestuar nën dyshimet se kanë kryer veprën penale “marrje ryfsheti”, për të kryer një ndërhyrje. Sipas policisë, anesteziologu dyshohet se kishte kërkuar ryshfet në vlerë prej 100 euro nga viktima për të kryer një ndërhyrje.
Ndërsa kirurgu dyshohet se kishte marrë, lidhur me ndërhyrjen 330 euro, ndërsa, sipas policisë, kishte kërkuar edhe 200 euro shtesë.
Të njëjtit fillimisht u ndaluan për 48 orë, më pas atyre iu caktua masa e paraburgimit në kohëzgjatje prej një muaji./Gazeta Shneta/