Qeveria e Kosovës nën drejtimin e kryeministrit Albin Kurti ka shkarkuar sot Bordin e shumëpërfolur të Telekomit të Kosovës. Shkarkimi i këtij organi ka ardhur pas skandaleve me punësime familjare e politike si dhe gjendjes së rënduar të Postës.
Por fatin e njëjtë pritet ta ketë edhe një bord i një institucioni tjetër fare afër ndërtesës së Telekomit. Qeveria pritet ta shkarkojë edhe Bordin Drejtues të Shërbimit Spitalor Klinik Universitar, shkruan Gazeta Shneta.
Gazeta ka marr vesh nga burime se Bordi i SHSKUK-së pritet të shkarkohet për shkak të pakënaqësive të ministrit të ri të Shëndetësisë Dr. Arben Vitia.
Gazeta Shneta ditë më parë ka raportuar se si Bordi i SHSKUK-së ka shkelur statutin e këtij institucioni duke mos ndërruar kryesuesin sipas Nenit 11-të dhe duke mos emëruar anëtarë të ri nga spitalet rajonale dhe QKUK.
Bordi i kryesuar nga Dr. Naser Ramadani aktualisht po funksionon me vetëm pesë anëtarë, nga shtatë sa do të duhej të kishte sipas statutit. /Gazeta Shneta/