Qeveria e Kosovës ka marrë vendim për mbylljen e gjendjes së emergjences shëndetësore në Kosovë të shpallur tri vite më parë për shkak të pandemisë COVID-19.
“Pas tri vitesh nga mesi i marsit i vitit 2020 kur u shpall emergjenca e shëndetit publik në Kosovë për shkak të pandemisë COVID-19, ministria e Shëndetësisë duke marrë parasysh situatën epidemiologjike, ne kërkojmë të miratohet mbyllja e emergjences shëndetësore në Kosovë.”, tha ministri Vitia.
Ministri Vitia ka thënë se do të jenë në monitorim të vazhdueshëm të gjendjes me pandeminë COVID-19 në Kosovë.
Kujtojmë se pandemia Covid-19 në Kosovë ka shkaktuar 3216 viktima. Mbi 270 mijë persona kanë rezultuar të infektuar e janë kryer gati 2 milionë testime. /Paparaci.com/
