Gjatë ditës së sotme Kuvendi i Kosovës tentoi të mbajë seancën konstituive, por dështoi meqë deputetët e PDK-së, LDK-së dhe AAK-së refuzuan të votonin raportin e Komisionit të përkohshëm për verifikimin e mandateve dhe kuorumit.
Kjo për shkak se Albin Kurti nuk ka dhënë dorëheqje nga posti i Kryeministrit e rrjedhimisht miratimi i mandatit të tij thanë se do të ishte shkelje kushtetuese.
Letra, që u prezantua nga VV ku Kurti tha se bashkë me kabinetin qeveritar efektvisht janë të i dorëhequr, nuk e bindi opozitën.
E derisa po fillonte seanca, edhe deputeti Fikrim Damka po komunikonte me dikë. Në mesazhet e kapura nga mediat, shihet se Damkës dikush po ia ofron pozitën e zv.ministrit të Shëndetësisë.
“Fidani le ta propozon zv/ministrin në Ministri të Mbrojtjes ose Shëndetësisë. Nënkryetare më mirë Emilja” – thuhej aty.
“Jo kryeministër, nuk e pranon” – thuhej tutje në këto mesazhe të “ATV”.
Mediat në këtë seancë kanë kapur edhe mesazhe tjera në telefonat e deputetëve ku shihen duke diskutuar për mundësitë e mbledhjes së numrave për ta formuar Qeverinë. /Gazeta Shneta/