17 aplikuan, por fatin për t’u pranuar e patën vetëm 5 kandidatë.
Rinesa Imeraj, Bleonesa Sylaj, Elona Myrta, Shpresa Nikçi dhe Besarber Qufaj janë infermierët që u punësuan së fundi nga Spitali i Përgjithshëm në Pejë.
Por, për pranimin e tyre, T7 mëson se janë adresuar disa ankesa në drejtim të këtij institucioni.
Madje, burimet i kanë thënë televizionit se kandidatët e pranuar kanë lidhje të afërta familjare me disa prej anëtarëve të bordit të këtij spitali.
Televizioni gjatë ditës ka tentuar të kontaktojë me drejtorin e saj, Fazli Shala, por i njëjti ka qenë i paqasshëm në telefonin e tij.
Ngjashëm ndodhi edhe me anëtarët e komisionit vlerësues që nuk u deklaruan për këtë çështje.
Ndërkohë, as nga Shërbimi Spitalor Klinik dhe Universitare të cilët menaxhojnë këtë institucion, nuk janë përgjigjur në pyetjet e televizionit.
Në anën tjetër, ankesa për mostransparencë në konkurset e këtij spitali kanë nga shoqëria civile.