Në Klinikën e Psikiatrisë gjatë vitit të kaluar janë trajtuar mbi 21 mijë pacientë nga psikiatrit dhe psikologët.
Klinika e Psikiatrisë në Qendrën Klinike Universitare është adresa e fundit e personave me probleme ose sëmundje të shëndetit mendor në Kosovë. Vitin e kaluar në këtë klinikë kanë kërkuar ndihmë mbi 21 mijë pacientë, shkruan Gazeta Shneta.
Kjo është shifra e pacientëve e vendosur në raportin e performancës së specialistëve dhe psikologëve të klinikës.
“Në listë janë të llogaritur pacientët ambulator, spitalor si dhe shërbimet specialistike të ofruara jashtë klinikës”, thuhet në dokumentin e siguruar nga Gazeta përmes qasjes në dokumente zyrtare.
Në këtë listë janë të renditur rreth 30 mjekë specialistë psikiatër dhe psikologë. Listës me më së shumti pacientë i prin Valdete Serreqi me mbi 2000 pacientë. Pas saj janë Shukrije Statovci me mbi 1100 dhe Muhamet Karameta e Arlinda Ajdini poashtu me mbi 1 mijë pacientë.
Më poshtë e gjeni listën e plotë të performancës me shifra në Klinikën e Psikiatrisë në QKUK.
Artikulli është vijimësi e publikimit të performancës në punë të mjekëve në Qendrën Klinike Universitare të Kosovës. /Gazeta Shneta/
