Organizata Botërore e Shëndetësisë (OBSH), tha të premten se përhapja e Omicron ishte për shkak të një kombinimi faktorësh duke përfshirë përbërjen e variantit të COVID-19 dhe rritjen e përzierjes sociale.
Maria Van Kerkhove, drejtuesja teknike e çështjeve të OBSH-së për COVID-19, tha se njerëzit duhej të mendonin për reduktimin e ekspozimit të tyre ndaj virusit dhe të merrnin kontrollin mbi transmetimin e tij, pas një jave me numra rekord të rasteve të reja, shkruan MedicalxPress përcjell Gazeta Shneta.
Van Kerkhove tha se Omicron transmetohej në mënyrë shumë efikase midis njerëzve për një sërë arsyesh. Së pari, mutacionet e tij lejojnë që virusi të ngjitet më lehtë në qelizat njerëzore.
“E dyta, është se ne kemi atë që quhet ikje imune. Dhe kjo do të thotë që njerëzit mund të riinfektohen, edhe nëse kanë pasur një infeksion të mëparshëm ose nëse janë vaksinuar,” tha ajo, në komentet e qarkulluara nga OBSH.
Por përveç këtyre faktorëve, përhapja e virusit po nxitej edhe nga konteksti i njerëzve që kalonin më shumë kohë në ambiente të mbyllura në ‘dimrin e hemisferës veriore’ dhe duke mos respektuar masa të tilla si distanca fizike.
Ndër të tjera, u tha se më pak se 9.5 milionë raste të reja me COVID-19 u raportuan në OBSH javën e kaluar – një rekord, me 71 përqind më shumë se një javë më parë.
“Publik i gjerë, ajo për të cilën duhet të shqetësoheni është thjesht zvogëlimi i ekspozimit tuaj ndaj virusit,” tha Van Kerkhove.
“Ne duam që njerëzit të kuptojnë dhe të ndihen të fuqizuar se ata kanë njëfarë kontrolli mbi infeksionin.”
Ajo shtoi gjithashtu se shmangia e zhvillimit të simptomave të vazhdueshme të Covid-it ishte “arsye e mjaftueshme” për të parandaluar infektimin në radhë të parë. /Gazeta Shneta/