Banorët e dy lagjeve të Prishtinës, Sofali dhe Tauk Bahçe, kanë dhuruar gjak gjatë ditës së sotme.
Kjo është hera e katërt me radhë që këta banorë dhurojnë gjak në shenjë nderimi për 74 veprimtarët e vrarë në parkun e Tauk Bahçes në vitin 1944, transmeton Gazeta Shneta.
Njoftimi i plotë i Komunës së Prishtinës:
Dhurimi i gjakut në parkut e Tauk Bahçes
Komuna e Prishtinës dhe banorët e lagjeve Tauk Bahçe dhe Sofalia organizuan ditën e dhurimit të gjakut, ku mori pjesë edhe Drejtori i Shëndetësisë dhe Mirëqenies Sociale, z. Arben Vitia.
Ky organizim po bëhet për herë të katërt me radhë, në shenjë nderimi për banorët e kësaj pjese që 18 vjet më parë ishin dëbuar nga forcat serbe, e shumë prej tyre edhe ishin vrarë. Po ashtu, në këtë ditë përkujtohen edhe 74 veprimtarët që ishin vrarë në parkun e Tauk Bahçes në vitin 1944.
