Një farmacist, Jennifer Haller, të hënën më 16 mars 2020 dha vaksinën e parë eksperimentale kundër koronavirusit.
Studiuesit e SHBA-së, i dhanë vaksinën e parë një personit si një provë të një vaksine eksperimentale të koronavirusit në këtë kohë kur pandemia rritet, shkruan Global News, transmeton Gazeta Shneta.
Me një kujdes të madh, shkencëtarët në Institutin Kërkimor Kaiser Permanente Washingon në Seattle fillojnë një studim të pritur me ankth për krijimin e një vaksine kundër COVID-19 të zhvilluar në kohë rekord pasi virusi i ri shpërtheu nga Kina dhe u shpërnda në të gjithë botën.
“Të gjithë duan të ndihmojnë në këtë kohë urgjence”, tha udhëheqësja e studimit Dr. Lisa Jackson.
Associated Press vuri re se pjesëmarrësi i parë që mori këtë injeksion ishte një menaxher i operacioneve në një kompani të vogël të teknologjisë dhe mori injeksionin në një dhomë testimi derisa tre të tjerë ishin në radhë për një test që përfundimisht do ta marrin 45 vullnetarë nga dy doza në muaj.
Pas injeksionit, personi i parë la dhomën e testimit me një buzëqeshje të madhe duke pohuar se tani ndjehet mirë.
Pika historike e së hënës shënoi vetëm fillimin e një seri studimesh te njerëzit e nevojshëm për të vërtetuar nëse injeksioni është i sigurtë dhe mund të funksionojë. Edhe nëse hulumtimi shkon mirë, vaksina nuk do të jetë e disponueshme për përdorim të gjerë për 12 deri në 18 muaj.
“Ne nuk e dijmë nëse kjo vaksinë do të shkaktojë një përgjigje imune, apo nëse do të jetë e sigurtë. Kjo është arsyeja pse po e testojmë” theksoi njëri nga anëtarët në ekip. “Nuk është në fazën ku do të ishte mundur ose e kujdesshme t’i jepet popullsisë së përgjithshme”. /GazetaShneta/