Një ngjarje e rëndë ka ndodhur sot në sheshin ‘Skënderbeu’ në Prishtinë.
Dyshohet se një person ka therur veten me thikë, sot rreth orës 14 e 30 në po këtë shesh.
“Më 11.07.2022. në orën 14:35, Policia e Kosovës ka pranuar informatën lidhur me prezencën e një personi me thikë në dorë te sheshi ‘Skënderbeu’ në Prishtinë. Menjëherë janë njoftuar dhe angazhuar njësitet relevante policore, të cilat kanë reaguar me shpejtësi në vendin e ngjarjes. Sipas informacioneve fillestare, dyshohet se personi i dyshuar ka lënduar vetveten me një mjet të mprehtë (thikë). Është njoftuar ndihma e shpejtë, e cila po ashtu ka arritur në vendin e ngjarjes”, ka thënë Hoxhaj për Klankosova.tv.
Viktima është dërguar në QKUK për trajtim mjekësor, ndërkaq mjekja Krenare Makolli ka treguar se pacienti, pas trajtimit, është dërguar në Klinikën e Psikiatrisë.
“Para nja dy ore, kemi pranuar një pacient nga urgjenca e qytetit, e kanë sjellë këtu. Është i vetëlënduar, e ka një plagë në gjoks, në anën e majtë të tij.
“Janë kryer të gjitha ekzaminimet. Konsultimet janë përpunuar. Për momentin, e kemi udhëzuar për në Klinikën e Psikiatrisë për trajtim të mëtutjeshëm.”
“Për momentin, pacienti nuk ka qenë shumë komunikativ. Ishte në gjendje të shqetësuar më shumë, mund të them. Për problemet e tij ndoshta mendore ose të tilla besoj që psikiatri do t’ju japë një përgjigje më të qartë”.