Është bërë sot pranim-dorëzimi i spitalit pediatrik kirurgjik në QKUK, donacion ky nga Emiratet e Bashkuara Arabe.
Në ceremoninë e pranim-dorëzimit kanë marr pjesë përfaqësuesit e donatorit nga Emiratet e Bashkuara, Presidentja e Kosovës Vjosa Osmani, kryeministri Albin Kurti, ish-presidentja Atifete Jahjaga, si dhe përfaqësues tjerë.
Osmani dhe Kurti kanë falënderuar donatorët për këtë spital, iniciativa për të cilin kishte filluar në vitin 2016.
Ndërsa ministri i Shëndetësisë Arben Vitia ka thënë se ky spital donacion nga EMA është më moderni në rajon.
“Po përurojmë spitalin më modern në rajon të shërbimeve të kirurgjisë pediatrike. Ky spital në vlerë 22 milionë euro donacion nga Emiratet e Bashkuara shënon një kthesë në rritjen e cilësisë së shërbimeve për fëmijët tanë. Presim që ky spital do të ketë impakt të drejtpërdrejtë në uljen e vdekjeve të fëmijëve në Kosovë”, ka deklaruar Vitia. /Gazeta Shneta/