Kompania amerikane Pfizer, njoftoi të martën se ka nisur një provë klinike të fazës 2/3 të pilulës antivirale kundër COVID, të njohur si Paxlovid tek fëmijët e moshës 6-17 vjeç.
Një njoftim nga kompania tha se prova do të vlerësojë sigurinë dhe efikasitetin e barit te fëmijët me simptoma të COVID dhe një infeksion të konfirmuar, të cilët nuk janë shtruar në spital dhe janë në rrezik për sëmundje të rëndë, shkruan MedicalxPress përcjell Gazeta Shneta.
“Që nga fillimi i pandemisë, më shumë se 11 milionë fëmijë nën moshën 18 vjeç vetëm në Shtetet e Bashkuara kanë rezultuar pozitivë për COVID-19, duke përfaqësuar gati 18% të rasteve të raportuara dhe duke çuar në më shumë se 100,000 shtrime në spital.
“Paxlovid tashmë është i autorizuar ose i miratuar në shumë vende të botës, me më shumë se 1.5 milionë kurse trajtimi të ofruara deri më tani dhe 30 milionë që priten deri në korrik për të ndihmuar në luftimin e kësaj sëmundjeje dërrmuese,” tha Mikael Dolsten, zyrtari kryesor shkencor në kërkime dhe hulumtime të kompanisë Pfizer.
Prova e Pfizer do të përfshijë rreth 140 pacientë dhe do t’i vlerësojë ata në dy grupe për të përcaktuar efektet e dozave të ndryshme në bazë të peshës. Paxlovid është kombinimi i të dy barna antivirale: nirmatrelvir dhe ritonavir. /Gazeta Shneta/