Ujësjellësi i Prishtinës ka njoftuar se për shkak të mosfunksionimit të ITU Shkabaj si pasojë e turbullirës në liqenin e Ujmanit dhe kanalin e Ibër Lepencit, ka mungesë të furnizimit me ujë në disa zona të Kosovës.
Për të përmirësuar situatën dhe siguruar shpërndarjen e barabartë të ujit, është vendosur një reduktim orar nga ora 23:00 deri në 04:00 për pjesën dërmuese të Prishtinës, përveç objekteve vitale qëndrore në qendër të kryeqytetit dhe Dardania, përcjell Gazeta Shneta.
Gjithashtu, ka vështirësi në furnizimin me ujë të pijshëm në Drenas, Fushë Kosovë dhe Obiliq. Për fshatrat e Podujevës të cilat furnizohen nga gypi i gizës fi 300 mm, ka ndërprerje të furnizimit.
Sipas njoftimit thuhet se ekipet janë në terren dhe po punojnë me maksimumin e mundëshëm për të zgjidhur këtë problem sa më shpejt të jetë e mundur. Ju kujtojmë se situata po monitorohet 24/7 dhe ne po bëjmë çdo ndërhyrje të mundur për të rikthyer furnizimin normal me ujë.
Njoftimi i plotë: