Kur bëhet fjalë për ndryshimet fizike të lidhura me shtatzëninë, ka shumë prej tyre që janë të dukshme. Mirëpo, përveç ndryshimeve fizike, shtatzënia ndikon edhe në pjesët tjera të trupit tuaj, duke përfshirë shikimin.
Ndërsa, hormonet që mbështesin shtatzëninë tuaj pësojnë ndryshime, ato mund të shkaktojnë disa pasoja të padëshiruara shkruan Verywell Family, transmeton Gazeta Shneta.
Shikimi, i ndikuar nga hormonet mund të jetë një efekt i padëshirueshëm që ndodh gjatë shtatzënisë.
Kjo ndodh pasi trupi juaj tenton të mbajë më shumë ujë se normalisht kur jeni shtatzënë, duke çuar në edemë ose ënjtje në vende si kyçet, këmbët dhe gishtat.
Mbajtja e ujit mund të kontribuojë gjithashtu në uljen e ndjeshmërisë në kornenë tuaj, gjë që mund të ndikojë në shikimin tuaj.
Trashësia e kornesë tuaj mund të ndryshojë edhe gjatë tremujorit të dytë ose të tretë si rezultat i mbajtjes së ujit, gjë që mund të shkaktojë disa probleme refraktive me shikimin tuaj. /Gazeta Shneta/