Një rast i dhunës në familje është raportuar në Podujevë.
Policia e Kosovës ka njoftuar se një grua është sulmuar fizikisht nga vajza e saj, e cila është në terapi për çrregullime mendore.
Sipas policisë, viktima ka pranuar trajtim mjekësor, ndërsa edhe e dyshuara është dërguar për trajtim psikiatrik nën përcjellje të policisë.
“Është raportuar se viktima femër kosovare është sulmuar fizikisht nga vajza e saj e cila është me terapi për probleme mendore. Viktima ka pranuar trajtim mjekësor. Po ashtu në trajtim mjekësor psikiatrik nën përcjellje të policisë është dërguar edhe e dyshuara. Me vendim të prokurorit është iniciuar rasti”, thuhet në njoftim.
Rasti është duke u trajtuar nga organet kompetente./Gazeta Shneta/