Policia e Kosovës ka njoftuar se është arrestuar edukatorja T.G. pasi u publikua video ku ajo shihej duke e goditur me shuplakë një fëmijë në kopshtin ‘Cambridge Kids’.
“Më daten 10 shkurt 2020 në stacionin policor jugu në Prishtinë është iniciuar një rast ‘Keqtrajtim i fëmijës. Lidhur me këtë rast policia ka arrestuar personin e dyshuar, e cila me urdhër të prokurorit është dërguar në mbajtje për 48 orë. Në koordinim me prokurorinë përkatëse janë duke u ndermarrë të gjitha veprimet e nevojshme policore”, ka thënë zëdhënësja për media e policisë, Flora Ahmeti.
Gjatë ditës së djeshme nëna Naila Gora publikoi një video ku shihej edukatorja duke e goditur djalin e saj me shuplakë, pasi vogëlushi 18-muajsh nuk pranonte të ulej në karrocë.
Kjo video ka shkaktuar zemërim të madh tek prindërit të cilët po kërkojnë mbylljen këtij kopshti. /Gazeta Shneta/
