Policia e Kosovës ka konfirmuar incidentin në Shkollën Fillore “7 Marsi” në Prishtinë ku një mësuese është ther me thikë nga një grua.
Mësuesja V.P. 49-vjeçare është ther me thikë nga një grua 33-vjeçare me iniciale B.D. Policia bën të ditur se viktima është dërguar në QKUK për trajtim, ndërsa ka arrestuar sulmuesen, shkruan Gazeta Shneta.
Njoftimi i plotë nga zëdhënësja e Policisë Flora Ahmeti për Gazetën Shneta:
Sot rreth orës 10:30 policia ka marr informacion se në një shkollë në lagjen Kalabria në Prishtinë ka ndodhur një përleshje fizike mes dy personave.
Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore. Me të dal në vendin e ngjarjes policia ka konstatuar se ka të bëj me një rast lëndim trupor ku viktima: V.P. femër 49-vjeç, shtetase e Republikës së Kosovës ka marr plagë nga arma e ftohtë (thikë) dhe e njëjta është dërguar në QKUK për trajtim mjekësor.
Lidhur me rastin në fjalë policia ka arrestuar personin e dyshuar B.D. femër 33-vjeçare, shtetase e Republikës së Kosovës si dhe është konfiskuar mjeti i cili dyshohet të jetë përdorë në këtë rast.
Aktualisht hetuesit policor janë duke ndërmarrë të gjitha veprimet e nevojshme në përpjekje për të ndriçuar dhe sqaruar plotësisht rrethanat në të cilat ka ndodhur ngjarja.