Në Klinikën e Gjinekologjisë në QKUK po qëndron e shtrirë një vajzë 15-vjeçare, shtatzënë në muajin e nëntë.
Nëna e ardhshme është intervistuar nga Policia e Kosovës bashkë me prindërit e saj dhe prindërit e bashkëshortit të saj. Këta të fundit kanë deklaruar se martesa e çiftit është bërë me dëshirë të të dy palëve.
E mitura 15-vjeçare është nga fshati Mirenë e Lipjanit dhe aktualisht është në gjendje të mirë shëndetësore.
“Njësitet Policore kanë shkuar në QKUK dhe kanë intervistuar të miturën e cila ka deklaruar se është e martuar me dëshirë. Lidhur me këtë janë intervistuar edhe prindërit e dy familjeve të cilët kanë deklaruar se martesa është bërë me dëshirë të dy palëve edhe me ceremoni martesore. Me vendim të prokurorit rasti shkon në procedurë të rregullt”, thuhet në raportin e Policisë së Kosovës. /Gazeta Shneta/