Instituti Hidrometeorologjik i Kosovës përmes një kumtese për media ka njoftuar se përgjatë pesë ditëve të ardhshme, vendi ynë do të mbajë mot të vranët, me ditë të ftohta dhe reshje shiu.
Reshjet e shiut do të jenë të intensitetit mesatar deri lokalisht intensive, të cilat në ditët në vijim, parashihen që reshjet të kthehen në formë dëbore, sipas Institutit.
’Këto masa me origjinë polare të cilat kanë përfshirë Europën Perëndimore, dalë ngadalë do të shtrihen edhe mbi vendin tonë, duke krijuar kushte që fillimi i stinës së pranverës të jetë me reshje shiu dhe bore”, njofton IHMK.
Temperaturat minimale do të lëvizin ndërmjet -3 deri 2 gradë , kurse maksimalet e ditës parashihet të lëvizin ndërmjet 4-11 gradë Celsius.
Do të fryjë erë kryesisht nga verilindja me shpejtësi mesatare deri 8m/s./21Media