Policët e Kosovës do të kenë mundësi t’i shfrytëzojnë falas të gjitha shërbimet që ofron Qendra Kryesore e Mjekësisë Familjare në Prishtinë. Kjo pas vendimit që ka marrë Asambleja Komunale në kryeqytet.
Për t’i njoftuar me shërbimet që ofrojnë drejtori i Shëndetësisë në Komunën e Prishtinës, Izet Sadiku dhe drejtori i Policisë së Kosovës, Gazmend Hoxhën vizituan QKMF-në, ku ky i fundit edhe u informua me të gjitha shërbimet që ofrohen falas.
Sadiku tha se ka njoftuar drejtorin e policisë në detaje për shërbimet që do t’i ofrohen pjesëtarëve të Policisë.
Ndërsa, drejtori i përgjithshëm i Policisë së Kosovës, Gazmend Hoxha shpreson të ketë policë të shëndoshë për t’i shërbyer qytetarëve të Prishtinës.
Ky vendim është marrë nga Asambleja Komunale e Prishtinës. /KP