Organizata Botërore e Shëndetësisë (OBSH), tha të dielën se një program i mbështetur nga OKB-ja për dërgimin e vaksinave të koronavirusit në shumë vende të varfëra tani ka dorëzuar 1 miliard doza kundër COVID-19.
OBSH ka kritikuar prej kohësh shpërndarjen e pabarabartë të vaksinave dhe u bëri thirrje prodhuesve dhe vendeve të tjera që t’i japin përparësi programit COVAX, shkruan MedicalxPress përcjell Gazeta Shneta.
Ndër të tjera, përfaqësuesit e OBSH-së, njoftuan se që nga e enjtja, 36 nga 194 vendet anëtare të saj kishin vaksinuar më pak se 10% të popullsisë së tyre dhe 88 prej tyre kishin vaksinuar më pak se 40%.
Programi COVAX ka lëvizur me dërgesa vaksine në 144 vende deri më tani, “por puna që ka shkuar në këtë moment historik është vetëm një kujtesë e punës që ka mbetur pas,” tha OBSH në një deklaratë.
“Ambicia e COVAX u rrezikua nga grumbullimi i stoqeve në vendet e pasura, shpërthimet katastrofike që çuan në mbylljen e kufijve dhe furnizimit”, shtuan ata. “Mungesa e ndarjes së licencave, teknologjisë dhe njohurive nga kompanitë farmaceutike nënkuptonte se kapaciteti prodhues mbetet i papërdorur.” /Gazeta Shneta/