Për vdekjet e dyshimta në QKUK pritet që brenda muajit të ngritën aktakuza. Këtë e kanë konfirmuar zyrtarët e Prokurorisë Themelore, ku kanë thënë se hetimet janë thuajse në përfundim.
73 vjeçarja, Gjezide Ilazi nga Shtimja, u ankua se kishte telashe me mushkëri pas operimit në QKUK.
Derisa në shtator të vitit të kaluar kishte ndërruar jetë, derisa vajza e saj Sadije Ilazi thotë se kjo ishte si pasojë e gazit Oksidul.
Sikurse vajza e 73 vjeçares, edhe bashkëshortja e Shefki Bunjakut, kishte mbetur e vdekur deri sa ky e kishte dërguar për operim nga kanceri i gjirit në QKUK. Edhe ky pretendon se gruaja i vdiq nga gazi oksidul.
Ndërsa për Televizionin Shtatë, zëvendës Kryeprokurori në Prokurorinë Themelore të Prishtinës, Ibrahim Berisha tha se priten të ngriten aktakuzat lidhur me rastet në fjalë.
Në anën tjetër, Naser Guri, pronar i kompanisë “Buberari Komerc”, i dyshuar për vdekjet e pacienteve në QKUK, që ka prodhuar gaz pa licencë është liruar nga paraburgimi në masën e dorzanisë, pasi ka deponuar 30 mijë euro.
Megjithëkëtë, tani operimet në Kirurgjinë Torakale, po kryhen pa ndonjë problem. E deri në zbardhjen e këtyre rasteve dhimbja ta familjarët e të vdekurve mbetet e madhe.