Ditë më parë, mjeku kosovar Flamur Marku është ballafaquar me një lajm të rremë në rrjetin social “Facebook” në lidhje me punën e tij.
Pulmologu Flamur Marku tashmë është angazhuar në ndihmën e pacientëve të prekur me Covid-19, trasmeton GazetaShneta.
Por, dikujt duket se po i pengon angazhimi i tij. Kjo pasi në rrjetin social “Facebook” po qarkullon një lajm i pavërtetë mbi pulmologun Marku.
Në postim thuhet se ai është duke manipuluar që shumë persona po vdesin si pasojë e Covid-19.
E për këtë rast është e njoftuar dhe Policia e Kosovës, ndërsa Marku për Gazetën Online “Reporteri.net” ka bërë të ditur se shkrimi është plotësisht i pavërtëtë, tendencioz dhe dashakeq.
“Nuk mundem ta kuptoj interesin e një mjeku që të manipulohet apo rritet numri i të vdekurve nga COVID-19. Gjithsesi gjeja e parë që do bëjë nesër është të paraqes rastin në organet kompetente, me qellim të demaskimit dhe denoncimit të atyre që qëndrojnë pas këtij postimi”, ka shkruar ai të dielën në mbrëmje.
E menjëherë pas paralajmërimit të tij për denoncim të rastit në Polici, postimi në faqen anonime të facebook’ut, ‘Alba Rina’, u fshi, raporton Reporteri.net.
“Faleminderit të gjithëve juve për mbështetjen, dhe përkrahjen e së vërtetës. Motivi dhe qëllimi im është të ju ndihmoj të gjithëve që kanë nevojë me aq sa mundem, duke u shpëtuar jetën, e jo manipulim me të vdekurit”, shkruan mjeku Flamur Marku.