Disa infermierë në Spitalin Lawrence në Bronxville, New York, janë nën karantinë pasi u ekspozuan ndaj koronavirusit nga pacientët që u trajtuan atje.
Në shtetin Uashington, 25 punonjës të kujdesit shëndetësor janë nën vëzhgim pas bashkëveprimit me një person që u diagnostifikua me COVID-19, shkruan The Verge, transmeton Gazeta Shneta.
Në Kaliforninë Veriore, tre punonjës të kujdesit shëndetësor rezultuan pozitiv për virusin dhe dhjetëra të tjerë janë në izolim.
Natyra e punës së tyre i vë punonjësit e kujdesit shëndetësor në një rrezik të shtuar për të kapur ndonjë sëmundje ngjitëse, përfshirë COVID-19.
Punëtorët e kujdesit shëndetësor kalojnë shumë kohë afër me pacientin duke bërë aktivitete me rrezik të lartë. Këto aktivitete përfshijnë gjëra të tilla si vendosja e pacientëve në ventilatorëë ose mbledhja e mostrave të pështymës nga mushkëritë e tyre.
Pajisjet mbrojtëse personale (PPE) si maska, dorëza dhe mantilat sterile ndihmojnë në mbajtjen e infermierëve dhe mjekëve të sigurt kur trajtojnë pacientët me sëmundje infektive si COVID-19.
Për tu mbrojtur ndaj koronavirusit, Qendrat për Kontrollin dhe Parandalimin e Sëmundjeve, rekomandon që punonjësit e kujdesit shëndetësor të veshin maska N95, të cilat filtrojnë grimcat e ajrit dhe pikat e vogla që mund të jenë kollitur nga pacientët.
Këto maska mbrojnë punonjësit e kujdesit shëndetësor nëse ato përdoren siç duhet. Masakt dhe dorëzat gjithashtu mund të funksionojnë.
Por, pavarësisht të gjithave punëtorët e kujdesit shëndetësor janë në rrezik më të madh nëse pacientët me COVID-19 nuk identifikohen shpejt. /GazetaShneta/