19 punëtorët shëndetësore të cilët punojnë në kuadër të marrëveshjes ndërmjet Komunës së Shtimës dhe Organizatës joqeveritare “Caritas” nuk kanë marrë pagë gjatë këtyre dy mujave, janar dhe shkurt 2022 shkruan Gazeta Shneta.
Në lidhje me këtë Gazeta Shneta ka telefonuar Behxhet Hyseni menaxherin e kontratave në Shtime i cili thotë se nga ana e tij janë përfunduaer të gjitha procedurat dhe se trasnferimi i pagave tek punëtorët tash varet nga komuna.
“Transferimi tash varet krejt prej komunës absolut nuk varet prej meje unë i kam bërë të gjitha raportet. I kam pranu faturat prej “Caritasit” e kam bërë raportin e pranimit i kam dorëzu në zyre të drejtorit”, tregon ai.
Mos marrjen e pagave për dy muaj të punëtorëve shëndetësor në Shtime, zyrtari kryesor financiar në këtë komunë, Bujar Ferati, e arsyeton me mos alokimin e mjeteve “ata nuk kanë arritë ende me i marrë pagat sepse nuk është bërë ende alokimi i mjeteve ne po presim që të bëhet alokimi i pagave dhe të bëhet trasferi” duke potencuar se i gjithë stafi kanë kontrata.
206 mijë e 240 euro është vlera e kontratës për projektin ndërmjet “Caritasit” dhe Komunës së Shtimës. Është projekt dy vjeçarë dhe vlenë deri më 21 prill 2023.
Për të marrë më shumë informacionë në lidhje më mos pagesën e punëtorëve shëndetësor në Shtime, Gazeta ka tentuar të flas edhe me menaxherin e Organizatës “Caritas” Pal Baftiu por i njejti ka qenë i paqasshëm.
Probleme me pagesë të punëtorëve shëndetësorë të cilët punojnë në kuadër të organizatës “Caritas” ka pasur pothuajse në vazhdimsi edhe në komunën e Ferizajt gjatë këtyre dy viteve sa ka qenë projekti ndërmjet komunës dhe organizatës.
Projekti ka përfunduar ditë më parë, 28 shkurt 2022, dhe 325 punëtorë shëndetësor aktualisht kanë mbetur pa vend të punës. /Gazeta Shneta/