Lidhja Demokratike e Kosovës ka mbajtur dje Konventen për politikat shëndetësore ku kandidatja për kryeministre Vjosa Osmani ka shpalosur programin e saj për këtë sektor.
Në hapje të konventës ka folur Dr. Izet Sadiku, i cili ka qenë zëvendësministër i shëndetësisë në mandatin e udhëheqjes së kësaj ministrie nga Imet Rrahmani i LDK-së. Ky i fundit as nuk u pa në këtë konventë, shkruan Gazeta Shneta.
Sadiku ka premtuar furnizim 100 për qind me barna, ndonëse ka qenë në udhëheqje të shëndetësisë për rreth tre vjet ku ka pasur vazhdimisht mungesë të barnave.
“Do të ketë 100 për qind furnizim me barna dhe do t’ia rikthejmë dinjitetin profesionistëve shëndetësor”, ka deklaruar Sadiku në këtë koventë.
Aty kanë marr pjesë edhe kolegë të Sadikut nga QKUK, profesorë, kirurgë dhe drejtorë të klinikave. /Gazeta Shneta/