Qeveria e Kosovës sot ka marr vendim për masat e reja për parandalimin e përhapjes së Covid-19.
Qeveria në bazë të rekomandimit të Ministrisë së Shëndetësisë, ka mbyllur shërbimet e gastronomisë, universitetet dhe shkollat për 12 ditë, shkruan Gazeta Shneta.
Në vendimin e Qeverisë bëhet e ditur se të gjitha institucionet publike dhe private të arsimit parauniversitar dhe universitar duhet të organizojnë mësimin onlinë nga data 7 deri më 18 prill. Provimet mund të mbahen, ndërsa konviktet dhe menzat mbyllen.
Përjashtim nga ky vendim bëjnë institucionet parashkollore të cilat vazhdojnë punën normalisht duke respektuar masat anti-Covid.
Nga data 7 deri më 18 prill është ndaluar edhe veprimtaria e qendrave tregtare dhe gastronomisë. Këto të fundit mund të punojnë vetëm me shërbimin “merre me vete”.
Ndërkaq lëvizja e qytetarëve do të jetë e ndaluar nga ora 22:00 deri në 05:00. /Gazeta Shneta/