Drejtoria e Qendrës Klinike Universitare ka bërë një hap të avancuar duke promovuar edhe rastet e suksesshme të kirurgëve.
QKUK ka publikuar në faqen e saj zyrtare në Facebook një rast të suksesshëm të Klinikës së Kirurgjisë Abdominale. Publikimi i këtij rasti vjen disa muaj pasi kirurgët nuk kishin pranuar të ndërpritnin grevën, ndonëse një gjë e tillë kërkohej nga drejtoria e QKUK-së, shkruan Gazeta Shneta.
“Në Klinikën e Kirurgjisë Abdominale të Qendrës Klinike Universitare, me metoda bashkëkohore, pa ndonjë komplikim, mjekët kanë kryer një operacion të rrallë. Sindroma Bouvert është një sëmundje specifike, që rezulton me mbylljen e zorrës së hollë nga një gur, si pasojë e fistullës së krijuar mes tëmthit dhe zorrës dymbëdhjetëgishtore. Pacienti ka qenë nën mbikëqyrjen e mjekëve për dy javë dhe tash është liruar në shtëpi me gjendje të mirë shëndetësore”, thuhet në njoftimin e QKUK-së.
Greva e kirurgëve ku kërkonin rritjen e pagave kishte ndikuar në raportet e tyre me drejtorinë. Zyrtarët e lartë të QKUK-së dhe ministri i shëndetësisë bënin vazhdimisht presion për të ndërprerë grevën.
Nga ajo kohë QKUK vazhdimisht ka promovuar raste të suksesshme nga klinika të ndryshme, por jo nga kirurgjia. /Gazeta Shneta/