Qytetari Muhamed Flugaj ka bërë një status në facebook ku është ankuar për “maltretim” nga ana e stafit mjekësor për operimin e gjyshes së tij në Klinikën e Kirurgjisë Maksillofaciale. Ai deklaron se personeli mjekësor e kanë kthyer 4 herë pacienten me arsyetimet se “ka raste më urgjente” ose “nuk po bën ndonjë aparaturë”.
Flugaj shprehet hapur se ka gjetur një person të njohur në këtë klinikë dhe pacientja është futur në operacion, por tani ankohet se i është kërkuar që të blejë materiale për t’u kryer ndërhyrja. Atij i është dashur të blej penj, maska kirurgjike, elektroda dhe disa materiale tjera, shkruan Gazeta Shneta.
Flugaj për këtë ka fajësuar zyrtarët e shtetit që kanë përgjegjësi për furnizimin e spitaleve me barna e materiale, ndërsa ka thënë se stafi mjekësor janë shumë të mirë.
Por kjo lavdata e fundit pas shumë kritikave dhe ankesave ka bërë që të reagoj edhe shefi i repartit në Klinikën e Kirurgjisë Maksillofaciale Dr. Shkelzen Komoni. Ai ka thënë se në këtë klinikë operacionet nuk kryhen me të “njofshëm”, por në bazë të patologjisë nëse janë urgjente apo jo. Komoni ka mohuar se në këtë klinikë maltretohen pacientët, por përkundrazi ai ka thënë se stafi kryen punën me nder e përkushtim maksimal.
Reagimi i plotë i Dr. Shkelzen Komonit:
Reagim me shkas.
Për hir të informimit të opinionit në lidhje me rastin e përmendur për Klinikën e Kirurgjisë Maksillofaciale nga ana e Muhamed Flugaj.Duhet ta informoj opinionin se ne Kliniken e Kirurgjise Maksillofaciale rastet kryhen sipas urgjencës,patologjisë dhe sipas rendit e jo sipas ndikimit të “njofshmive”.Në foton që e keni postuar shihet faksimili im të cilen e kam përdorur për të kërkuar nga pacienti materialin dhe medikamentet të cilat në atë moment kane qenë në mungesë në QKUK.Asgjë e re nuk ka ndodh ,kjo gjë ka ndodh nga paslufta e deri më tani,gjërat janë duke u përmirësuar.
Sa i përket “maltretimit”që e keni përmendur nuk është dukuri normale për Klinikën tonë sepse stafi i Klinikës së Kirurgjisë Maksillofaciale e kryen punën me nder dhe përkushtim maksimal.
Personalisht mendoj se postimi i juaj nuk është dashamirës ku në njërën anë e lavdëron stafin mjekësor e në anën tjetër fillon me fjalën “maltretim”.Kjo i bjen që ne jemi të mirë por “maltretues”.
Edhe nëse ka ndodh që gjyshja mos të operohet në ditën e planifikuar nuk besoj që ka diçka të qëllimshme .Mund të ndodh që të kërkohen ekzaminime shtesë apo që në programin operativ të planifikuar të dështon për shkak të ndonjë rasti urgjent që ka ardhur një natë më parë e kurrsesi për ndonjë gjë tjetër,bile bile shumë.na iriton ndërhyrja e të”njofshmive” për arsye se nuk ka arsye dhe vend për një gjë të tillë në Klinikën tonë.
Shpresoj që në të ardhmen të postoni falenderime dhe mirënjohje të cilat zakonisht ndodhin për Klinikën tonë e jo epitete si”maltretues”.
Sinqerisht
Dr.Shkelzen Komoni