Një qytetar ka shprehur falënderime të veçanta për stafin e Qendrës Klinike Universitare të Kosovës (QKUK) pas një kontrolli mjekësor në Repartin e Kardiologjisë në Emergjencë.
Ai ka treguar për përvojën e tij, duke vlerësuar nivelin e lartë të profesionalizmit dhe efikasitetin e mjekëve dhe infermierëve. Sipas tij, brenda vetëm 20 minutash, i janë kryer të gjitha kontrollet, analizat dhe fotografimet e nevojshme, duke e krahasuar shërbimin me atë të klinikave evropiane, përcjell Gazeta Shneta.
“Faleminderit shumë stafit të emergjencës,” ka deklaruar qytetari, duke theksuar se rezultatet e analizave të tij ishin pozitive.
Gjithashtu, ai ka inkurajuar qytetarët të mos keqinterpretojnë situatën në spitalet publike, duke shtuar se ata që mendojnë se nuk ka rregull në Spitalin e Prishtinës janë në gabim të madh.
Kjo përvojë vjen si një dëshmi e rëndësisë së punës së palodhur të stafit shëndetësor të QKUK-së, duke ofruar shërbime cilësore dhe të shpejta për pacientët e saj./ Gazeta Shneta/
Postimi i plotë:
Sot bëra një kontroll mjeksore në QKUK në Prishtinë në Emergjencë Repartin e Kardiologjisë.Unë shkova si pacient për tu kontrolluar u befasova më kontrollen që ma bënë në dhomën numër 2 .Një staf i mjekëve dhe infermiereve në nivelin ma të lartë të detyres.Për 20 minuta të gjitha kontrollet fotografimet dhe analizat mi kanë bërë sikur me kanë në Klinikat Europiane.Flm shumë Stafit të emergjences.Në fund nga analizat që mu bënë rezultova mirë shumë.Kush mendon se nuk ka rregull në Spitalin e Prishtinës e ka shumë gabim të madhë!