Spitali i Përgjithshëm në Pejë, ka publikuar statistikat javore të shërbimeve shëndetësore të kryera, ku veçohen lindjet dhe ndërhyrjet mjekësore.
Gjatë javës së kaluar, janë regjistruar 19 lindje, nga të cilat kanë ardhur në jetë 12 djem dhe 8 vajza – njëra prej lindjeve ishte binjake, thuhet në njoftim.
Përveç maternitetit, spitali ka ofruar një gamë të gjerë shërbimesh mjekësore për pacientët:
– 2,837 vizita specialistike;
– 233 pranime në spital;
– 212 pacientë të shtrirë mesatarisht çdo ditë;
– 1,884 pacientë kanë kryer gjithsej 21,085 analiza laboratorike;
– 52 operacione të suksesshme;
– 215 seanca dialize;
Shërbime të imazherisë: 526 Rëntgen, 268 Eho, 118 CT, 61 MRI;
Ekzaminime kardiologjike: 13 ergometri dhe 30 ekokardiografi;
Procedura endoskopike: 9 kolonoskopi dhe 15 gastroskopi;
288 shërbime fiziatrike për rehabilitim dhe rikuperim.
Këto shifra dëshmojnë për punën dhe shërbimet që Spitali i Përgjithshëm i Pejës ofron për qytetarët e rajonit. /Gazeta Shneta/