Është përfolur shumë rreth pjesës ku antitrupat që shfaqen tek personat e rikuperuar nga koronavirusi, ti mbronin ata nga mundësia e dytë e ri-infektimit.
Sidoqoftë, ndërsa gjithnjë e më shumë me anë të hulumtimeve po zbulohet manifestimi i virusit dhe mënyra e përhapjes së tij, ne po hetojmë se mund të mos jetë kështu, shkruan burim BestLife.
Në fakt, një studim i ri sapo ka konfirmuar rastin e parë të ri-infektimit me koronavirus në Shtetet e Bashkuara të Amerikës, përcjell Gazeta Shneta.
Studimi, i botuar në revistën ‘Lancet’ me 12 tetor, zbuloi se një person 25-vjeçar nga Nevada, kishte kontraktuar koronavirusin në dy raste të veçanta.
Ky është rasti i parë i konfirmuar i një personi në SHBA që ri-infektohet, duke e bërë vendin të pestin në botë që raporton një rast të konfirmuar të ri-infektimit (katër raste të tjera paraprake të re-infektimit, përfshin Hong Kong-u, Belgjikën, Holandën dhe Ekuadorin).
Personi i moshës 25-vjeçar, doli pozitiv për Covid për herë të parë me 18 prill dhe më pas për herë të dytë me 5 qershor – edhe pasi kishte dy teste negative të realizuara në muajin maj.
Sipas studiuesve, ishte e qartë se ky ishte një rast i dy infeksioneve të ndryshme të koronavirusit, dhe jo i infeksionit origjinal që u bë përsëri aktiv.
Kjo është për shkak se ata zbuluan se kodet gjenetike të secilit infeksion treguan “ndryshime të konsiderueshme”, që do të thotë se personi ishte infektuar nga dy shtame të ndryshme, të dallueshme gjenetikisht të koronavirusit.
Sipas studiuesve, rasti i dytë me ri-infektim të koronavirusit te 25 vjeçari, ishte “simptomatikisht më i rëndë” se sa rasti i parë.
Gjatë rastit të tij të parë, ai kishte simptoma që përfshinin dhimbje fyti, kollë, dhimbje koke, të përziera dhe diarre.
Sidoqoftë, gjatë rastit të tij të dytë, ai paraqiti shumicën e atyre simptomave përsëri por nga marramendja e rëndë kishe kërkuar ndihmë në një qendër të kujdesit urgjent.
Pastaj, pesë ditë më vonë, një mjek i kujdesit parësor zbuloi se pacienti në fjalë kishte edhe gulçim dhe nuk merrte oksigjen të mjaftueshëm.
Kjo do të thoshte që “pacienti kërkonte mbështetje të vazhdueshme të oksigjenit në spital”, vunë në dukje studiuesit.
Ndër të tjera, ajo se çfarë shkaktoi më shumë panik ishte se pacienti nuk vuante nga ndonjë gjendje shëndetësore dhe as nuk kishte ndonjë indikacion të imunitetit të kompromentuar.
“Individi i lidhur me këto dy infeksione SARS-CoV-2 nuk kishte çrregullime imunologjike që do të nënkuptonin lehtësimin e ri-infektimit,” vunë në dukje studiuesit. /Gazeta Shneta/