Mamia Razije Musa ka qenë e ftuar në emisionin “#gjesi” në televizionin T7 ku ka folur rreth jetës dhe punës së saj si mami.
Musa ka një eksperincë të bollshme si mami ku ka punuar në spitalin ushtarak në Libi, dhe tani vepron e punon mesa Anglisë e Kosovës, përcjellë GazetaShneta.
Ajo ka thënë se në të 3 shtetet ku ajo ka ushtruar profesionin e saj ka hasur në përkrahje dhe besim nga stafi i spitalit por edhe nga pacientet.
Por sipas Musës, një mami e cila punon në spital, qoftë shtetëror ose edhe privat, duhet të jetë e kompletuar. Ajo ka përmendur një rast ku një mami nuk kishte pasur njohuri për një nga çështjet më të përhapura tek nënat gjidhënëse, siç është mastiti – pezmatimi i gjirit.
“Më ka rastis të shoh një rast të një nëne me një fëmijë të vogël në një alamet spitali me një rast të një gruaje që kishte pasë mastit. Mamia që e kanë thirrë për të trajtuar atë nënë, kishte thënë se nuk e din se si trajtohet mastiti. Një mami që nuk din si të trajtohet një gjë aq elementare dhe punon në spital më duket se ajo nuk është e kompletuar. Ju lutem të gjitha mamive që jetojnë në Kosovë që të ndjekin kurse, të trajnohen”, ka thënë Musa.
Sipas saj një mami mban përgjegjësi për procesin e gjidhënies, për foshnjes, për shtatzëni, para lindjen, gjatë tij dhe pasi shtatzëna të lind.
“Mamia duhet të konsultohet edhe me mjekun nëse e shohin se për një çështje nuk janë të informuara”, ka shtuar Musa./GazetaShneta/