Mamia e njohur shqiptare, Razije Musa, nëpërmjet llogarisë së saj në “Facebook” ka paralajmëruar nënat që të mos i ushqejnë fëmijët e tyre në baza ditore me karotë dhe patate të ëmbla, ngase mund t’iu krijohet një gjendje shëndetësore, e njohur si “Carotenemia”.
“Carotenemia që është një term mjekësor për gjendjen e shkaktuar nga niveli i lartë i karotenit. Kjo kryesisht ndodhë te fëmijët që ushqehen shumë me karrotë dhe patate të ëmbël,” ka bërë të ditur mamia Musa, shkruan Gazeta Shneta.
Ndërkohë, për sa u përket simptomave të kësaj gjendjeje, sipas mamisë, ato më së miri vërehen në duart dhe fytyrën e fëmijëve, që zakonisht merr ngjyrë portokalli.
E për sa i përket sasisë dhe shpeshtësisë së ushqyerit, mamia bën thirrje që të mos përzihen këto dy produkte dhe të mos konsumohen më shpesh se 3 herë në javë.
“Unë u’a kam sygjeruar disa herë që të mos i përzieni këto dy produkte, edhe sot po ju bëjë thirje të keni kujdes e të mos i përzieni por edhe të mos i ushqeni fëmijët shumë me këto dy produkte mjafton 2-3 herë në javë”./Gazeta Shneta/