Klinika Amerikane në Prishtinë ka reaguar pas arrestimit të katër zyrtarëve të saj nga Policia e Kosovës nën dyshimet për transplantim të paligjshëm të organeve.
Njëri nga pronarët e Klinikës, Nehat Kusari, ka mohuar akuzat duke thënë se janë të pafajshëm prandaj për këtë arsye kanë bashkëpunuar edhe me organet e hetuesisë, transmeton Gazeta Shneta.
“Në të njejtën kohë duam të sigurojmë të gjithë pacientët tanë se shërbimet tona janë ofruar gjithmonë duke u bazuar në standardet dhe etikën më të lartë mjekësore dhe njerëzore”, thuhet nw reagim.
Reagimi i plotë i Klinikës Amerikane:
Klinika Amerikane Dr. Behar Kusari shpk. beson në pafajësinë e stafit të saj dhe për ta dëshmuar këtë kemi bashkëpunuar plotësisht me gjitha institucionet përgjegjëse.
Në të njejtën kohë duam të sigurojmë të gjithë pacientët tanë se shërbimet tona janë ofruar gjithmonë duke u bazuar në standardet dhe etikën më të lartë mjekësore dhe njerëzore. Kjo dëshmohet edhe nga besimi i mijëra pacientëve të cilët e kanë zgjedhur spitalin tonë.
Njoftimet e bujshme në media për disa akuza të cilat ne jemi munduar ti hedhim poshtë edhe gjatë procesit të hetimit kanë rezultuar në ndalim të disa zyrtarëve tanë, të cilët dje janë paraqitu para Gjykatës e cila ka refuzuar propozimin e prokurorisë për caktimin e paraburgimit për të njejtit, andaj, me vendim të Gjykatës Themelore në Prishtinë që nga dje të njejtit janë liruar nën masën e arrestit shtëpiak.
Dëshirojmë ta theksojmë dhe të Ju sigurojmë edhe një herë se në klinikën tonë nuk ka ndodhur asnjë vepër penale për të cilën po zhvillohet kjo procedurë. Ne jemi të bindur në pafajësinë e stafit tonë por jemi të shqetësuar me nivelin e mungesës së sigurisë juridike dhe vlerësimeve të pa bazuara për të cilat tashmë ka nisur një procedurë e pa mbeshtetur ligjerisht.
Me respekt,
Nehat Kusari
Bashkepronar