Reagon Spitali “Fati im”, siguron pacientët se frytnimi i asistuar është kryer sipas ligjit

2019-06-20 në ora 17:20

Zyrtarët e Spitalit “Fati im” kanë reaguar pas bastisjes dhe arrestimit të dy mjekëve nga Policia e Kosovës. Ky spital ka njoftuar se mjekët janë liruar nga gjykata, ndërsa ka siguruar pacientët se procedurat e frytnimit të asistuar mjekësor janë kryer sipas ligjit

“Deklarojmë se të gjitha procedurat e Frytnimit te Asistuar Mjekësore në Spitalin Fati-Im gjithnjë janë realizuar në përputhshmëri të plotë me Udhëzimin Administrativ 06/2013 për Frytnim të Asistuar Mjekësorë të Ministrisë së Shëndetësisë dhe se në asnjë moment nuk janë kryer shkelje të procedurave”, thuhet në reagimin e spitalit, transmeton Gazeta Shneta.

Lexoni reagimin e plotë:

Duke marrë për bazë deklarimet e bujshme në media ditëve të fundit, njoftojmë opinonin publik se:

Me 18.06.19 në Spitalin “FATI-IM”, rrespektivisht në Repartin e Frytnimit të Asistuar Mjekësorë të këtij spitali është kryer inspektim nga Inspektoriati Shëndetesorë i Ministrisë së Shëndetësisë të shoqëruar nga Policia e Kosoves. Inspektimi ka qenë i fokusuar vetëm në Repartin e Frytnimit të Asistuar Mjekësorë dhe stafi i Spitalit FATI-IM ka ofruar bashkëpunim maksimal gjatë zbatimit të Inspektimit.⠀⠀

Deklarojmë se të gjitha procedurat e Frytnimit te Asistuar Mjekësore në Spitalin Fati-Im gjithnjë janë realizuar në përputhshmëri të plotë me Udhëzimin Administrativ 06/2013 për Frytnim të Asistuar Mjekësorë të Ministrisë së Shëndetësisë dhe se në asnjë moment nuk janë kryer shkelje të procedurave.⠀⠀

Kjo është deshmuar poashtu pasi sot me datë 20.06.2019 me vendim të gjykatës janë ndërprërë masat e mbajtjes së personelit.⠀⠀

Spitali FATI IM garanton të gjithë pacientët se do të vazhdoj me përkushtim punën në përkujdesje për shëndetin e tyre në çdo kohë.