Komisioni për ankesa ka refuzuar si të pabazuara ankesat e kundërkandidatëve të Dr. Jakup Ismailit, i cili u zgjodh drejtor në Klinikën e Gjinekologjisë në QKUK.
Refuzimi i ankesave është konfirmuar nga Zyra për Media e SHSKUK-së. “Ju informojmë se Komisioni i ka refuzuar si të pabazuara ankesat e kandidatëve për drejtor të Gjinekologjisë”, thuhet në përgjigjen e kësaj zyre, shkruan Gazeta Shneta.
Pas procedurave të ankesave në Komisionin e SHSKUK-së, mbetet të shihet nëse kandidatët do të deponojnë ankesa edhe në Inspektoratin e Punës.
Kujtojmë se gjatë muajit janar Dr. Jakup Ismaili u zgjodh në krye të Klinikës së Gjinekologjisë. Kundërkandidat kishte Dr. Curr Gjocaj, Dr. Naser Rafuna, Dr. Vlora Ibishi, Dr. Brikenë Dacaj dhe Dr. Zef Ndrejaj. /Gazeta Shneta/