Reparti i Urologjisë në Spitalin e Përgjithshëm të Prizrenit ka realizuar një operim sfidues para disa ditëve.
Sipas një njoftimi nga urologu Dr. Halil Xhibexhiu, thuhet se një pacient 57-vjeçar u operua për tumor të ureterit të anës së djathtë “Nephroureteroctomia dex”.
“Në SP-Prizren repartin e Urologjisë para disa dite është operuar një rast mjaft sfidues. Pacienti A.M i lindur me 1967 i diagnostifikuar me tumor të ureterit të anës së djathtë me infiltrim të elementeve të mëdha të gjakut. Op. Nephroureteroctomia dex”.
“Operimi është kryer nga ekipa operatore: Dr. Halil Xhibexhiu urolog, Dr Bashkim Thaçi urolog, Dr Alban Hasani urolog, Dr Sadri Kastrati urolog si dhe ekipa e anestezionit dhe instrumentarëve”, ka shkruar Dr. Xhibexhiu.
Urologu ka njoftuar se pacienti është liruar në shtëpi me gjendje të mirë shëndetësore. /Gazeta Shneta/