Reparti i ri i Klinikës së Intensives i cili është ndërtuar me financim të organizatës Tika, së shpejti do të hyjë në funksion.
SHSKUK tashmë ka filluar me kompletimin e stafit, duke ftuar infermierët për punë të cilët kanë qenë në listën e pritjes, shkruan Gazeta Shneta.
Përveç tyre, SHSKUK do të punësojë edhe anesteziolog të ri.
“Ju konfirmoj se 10 infermier/e nga lista pritjes janë ftuar per te punuar ne mjekimin intensiv. Pra, ata do te shërbejnë vetëm për mjekimin intensiv. Kjo edhe si para përgatitje per lëshimin ne pune te intensives se re. Do te ketë ende infermier/e shtese, e poashtu anesteziolog”, ka deklaruar Zyra për Media e SHSKUK-së.
Punësimi i stafit të ri po bëhet në kuadër të planifikimit të buxhetit për vitin 2018.
Poashtu do të ketë shtim të numrit të mjekëve dhe infermierëve për klinikat tjera dhe spitalet e përgjithshme. /Gazeta Shneta/