Në 24 orët e fundit pandemia Covid-19 në Kosovë ka shënuar rekord me raste pozitive ku janë regjistruar 241 sosh nga 419 mostra të testuara dhe 6 persona të vdekur.
Instituti ka njoftuar se deri më tani janë testuar mbi 32 mijë persona nga të cilët në total 6 mijë e 286 kanë rezultuar pozitiv, ndërsa numri i viktimave ka arritur në të paktën 150, shkruan Gazeta Shneta.
Gjatë 24 orëve të fundit, janë shëruar 143 pacientë derisa numri i përgjithshëm i të shëruarve deri më sot është gjithsej 3.369 raste, kurse numri i rasteve aktive është 2.762.
Rastet pozitive janë nga: komuna Prishtinë 86 raste, komuna Gjilan 21 raste, komuna Ferizaj 17 raste, komuna Podujevë 13 raste, komuna Viti 12 raste, komuna Mitrovicë 9 raste, komuna Vushtrri 9 raste, komuna Gjakovë 9 raste, komuna Fushë Kosovë 8 raste, komuna Kamenicë 8 raste, komuna Lipjan 8 raste, komuna Prizren 8 raste, komuna Rahovec 6 raste, komuna Obiliq 4 raste, komuna Drenas 3 raste, komuna Kaçanik 3 raste, komuna Klinë 3 raste, komuna Shtime 3 raste, kurse nga 2 raste komunat: Pejë, Malishevë Skenderaj, Suharekë dhe nga 1 rast Deçan, Zubin Potok dhe Dragash. /Gazeta Shneta/
