Ish-drejtoresha e Instituteve Paraklinike Rina Limani ka reaguar pasi i skadoi mandati tre vjeçar dhe nuk iu vazhdua pozita nga drejtori i SHSKUK-së.
Limani është një nga 11 drejtorë të njësive që iu skadoi mandati të hënën, por ajo është e vetmja që nuk iu vazhdua pozita si ushtruese e detyrës, shkruan Gazeta Shneta.
Limani ka shprehur pakënaqësinë e saj me këtë vendim, teksa i ka uruar SHSKUK-së që të ketë më shumë menaxher sikurse ajo.
“SHSKUK-në vetëm mundem me e uru paçit sa më shumë menaxherë si unë”, ka shkruar Limani.
Lexoni reagimin e saj të plotë:
Me shkas!
Unë Kosovën time e dua. E dua më shumë se pozitën! E dua më shumë se partinë! Dashuria ime për vendin tim është më e madhe se lakmia për pushtet!
Puna e mirfilltë i reziston kohës, partisë, e individëve me axhenda personale.
SHSKUK-në vetëm mundem me e uru paçit sa më shumë menaxherë si unë.
E unë?! Unë do të vazhdoj të punoj për të mirën e Kosovës time të dashur nga cilado pozitë që do të jem, pavarësisht se kush dhe për sa kohë do të luaj rolin e të gjithfuqishmit! Ëhat it lies in our poëer to do, it lies in our poëer not to do. Aristotle