Policia e Kosovës ka arrestuar dy persona nën dyshimin se kanë ushtruar dhunë fizike ndaj një gruaje. Rasti ka ndodhur në Prishtinë.
Lajmin e ka bërë të ditur policia, e cila ka njoftuar se gruaja së bashku me tre fëmijët është dërguar në strehimore, raporton Insajderi.
Me vendim të prokurorit, të dyshuarit janë liruar me procedurë të rregullt.
“Prishtinë 14.07.2018 – 15:25. Janë arrestuar dy të dyshuar meshkuj K/Shqiptarë, pasi që të njëjtit kanë ushtruar dhunë familjare ndaj viktimës femër K/Shqiptare. Viktima së bashku me tre fëmijët e saj janë dërguar në strehimore, ndërsa me vendim të prokurorit të dyshuarit janë liruar në procedurë të rregullt”, thuhet në raportin 24-orësh të policisë.
