Rregullatori i barnave i Bashkimit Evropian, tha të martën se ka filluar një proces të përshpejtuar rishikimi për një dozë përforcuese eksperimentale të vaksinës së koronavirusit të zhvilluar nga kompania spanjolle Hipra.
Agjencia Evropiane e Barnave (EMA), tha në një deklaratë se vlerësimi i saj bazohet në të dhënat paraprake nga studimet laboratorike dhe kërkimet tek të rriturit që krahasuan dozën përforcuese të Hipra me vaksinën e zhvilluar nga Pfizer/BioNTech, shkruan MedicalxPress përcjell Gazeta Shneta.
Ndër të tjera, u thanë se rezultatet e hershme sugjerojnë se përgjigja imune e arritur me Hipra “mund të jetë efektive” kundër COVID-19, duke përfshirë variantin jashtëzakonisht infektiv të Omicron.
Hipra është një vaksinë e bazuar në proteina dhe është zhvilluar duke përdorur teknologji të ngjashme si vaksina Novavax COVID-19, e cila u autorizua nga EMA dhe agjenci të tjera në muajin dhjetor.
Mes tjerash, Hipra synohet të jetë një vaksinë përforcuese për njerëzit që janë vaksinuar plotësisht me një vaksinë ARNm ose një vaksinë të bazuar në vektor, si ato të zhvilluara nga AstraZeneca dhe Johnson & Johnson.
Shkencëtarët besojnë se përdorimi i llojeve të ndryshme të vaksinave mund të rrisë përgjigjen imune të trupit dhe shumë vende kanë miratuar një strategji “përzierje dhe përputhje” për vaksinimin kundër COVID-19.
Hipra thuhet se ka shitur dhjetëra milionë nga vaksina e saj në Vietnam dhe ka vlerësuar se mund të prodhojë rreth 600 milionë doza këtë vit. /Gazeta Shneta/