Policia suedeze tha se “rreth 10 persona” janë vrarë në një të shtëna në një shkollë në Suedinë qendrore, me autorin e dyshuar që besohet të jetë në mesin e të vdekurve.
Disa persona të tjerë u plagosën pasi një person i armatosur hapi zjarr në një kampus në qytetin e Örebro, Roberto Eid Forest, tha kreu i qarkut të policisë së qytetit. Policia tha se po përpiqet të përcaktojë një motiv të mundshëm të sulmit, shkruan CNN, transmeton Gazeta Shneta.
Policia suedeze tha më herët të martën se një operacion ishte “në vazhdim” në qendër, duke paralajmëruar për një “krim të dyshuar të rëndë dhune”.
Të shtënat ndodhën brenda shkollës Risbergska për të rritur në një kampus ku janë vendosur shkolla të tjera, duke përfshirë edhe për fëmijët.
Gjashtë persona ishin dërguar në spitalin universitar lokal, duke përfshirë pesë me plagë me armë zjarri, sipas Jonas Claesson, drejtori rajonal i kujdesit shëndetësor. Katër iu nënshtruan një operacioni, duke përfshirë dy të cilët tani janë në gjendje stabile, tha ai. /Gazeta Shneta/