Ai shërben si infermier në Klinikën Emergjente në kryeqytet, që nga viti 2003. Është ky, Besnik Rrmoku, i cili në atë kohë është punësuar me përgatitjen profesionale të shkollës së mesme.
Por, me kalimin e kohës ai u gradua në bachelor për infermieri, derisa përgatitja e tanishme profesionale e bënë atë të besueshëm për detyrën që mban aktualisht si Kryetar i Këshillit Etik tek Oda e Infermierëve të Kosovës.
Rrmoku ka folur për Gazeta e Re, i cili ka shpjeguar për përgjegjësitë, ndjesitë që i fal ky profesion në shërbimin që bënë.
‘’Prandaj, si shërbim, përherë është parë nga të tjerët si një nevojë e përditshme e njerëzimit. Diçka që e ka karakterizuar deri tani profesionin në fjalë është që, ai i është veshur ekskluzivisht vetëm gruas’’, thotë Rrmoku.
Ai ka shtuar më tej se infermieria emergjente është puna më e vështirë që mund të punohet si infermier për shkak se duhet të jetë i shpejtë, decisiv si dhe me bark të fortë.
Rrmoku tha se në Klinikën Emergjente, trajtimin e marrin më shumë se 300 pacientë brenda 24 orëve. Duke folur për Odën e Infermierëve të Kosovës ai tha se: Oda, njëherësh, shërben edhe si referencë për edukim të vazhdueshëm profesional.
Intervistën e plotë mund ta lexoni në Gazeta e Re.