Drejtori i Spitalit të Gjakovës Hilmi Shala, ka deklaruar për Gazetën Shneta se në 24 orët e fundit deri në këto momente ka ndërruar jetë vetëm një pacient me Covid-19.
Shala ka deklaruar se bëhet fjalë për mjekun Kujtim Zarari, i cili ndërrroi jetë sot pasi ishte sëmurë me Covid-19.
“Vetëm një pacient ka ndërruar jetë. Ai është mjeku Kujtim Zarari. Deri në këto momente kemi pacientë në gjendje të rëndë, por nuk ka viktima tjera”, ka deklaruar Shala.
Ai ka thënë se informacionet që po qarkullojnë në rrjetet sociale nuk janë të vërteta, pasi në morgun e spitalit ka kufoma të pacientëve që kanë vdekur nga sëmundje të tjera. /Gazeta Shneta/
